Zotung Ccaw Pya Naw

Dear AeKaw Uno hae,

                       Atu haw te e Awecyalaenue kya tong ku naw nae rae oh zah noitaw hae nae tungvaw kya lungtuanaw a lee pi ka hoi. Rang takyh a yn oh paw a khuaccaw miakaw a khua e la a ho bou paw yn ze thuasah, mino LiaCcaw/ Ccavae kae thongnaw la paw te Bahuhtuktah (knowledge) yng pya la paw Ccaw zemah pya kho ria kho thuazah malang ze suli ae thahne ngaw cite ka ngae hoi zah, ka zyng.

                      Tuhthuakiaccu ze, Zotung Ccaw hynh a byapi la mang la paw thua zah Zoccaw hynh Paaw Khua Min yng rae pya paw haw te phe a pya kho khyh zemah a bya a ccia zia hynh Ccaw te a lo kawh la pya oh sih ci ka ry. Kae zemah ka pyathya zah ka ryh ka nyh zah kae pya paw thua li te a nae kawh fua paw Aekaw bya te Zotung lang bya kha kae py zah thaethya naw te kae pya paw nih thua. A pyathya vae hae paw e la thua li te a noitaw hae ngawtaw te Zoccaw a cca kawh ba li hae paw halang nih kae pya ry nah the thua ci paw kha thae thya naw vah hoi pah vae oh cite kae ngia ku ry oh.

 

A blyng te Zoccaw alphabet( 26) a cih. Miraw kya te lawku bua paw nih thua. Hynh e alphabet 26 kya hin Vaval te Konsonant cite bua a um.

Vaval (Vowels)  tuh Konsonant kya pyde paw ccafang thua zah vaval li te tuh bya lan mah tang thya khyh zah ccaw lan mah pya kawh thya khyh. Vaval mahkhae te tha nih bya lan, ccaw lan a tang kho.

Tuh e Vaval hae tuh  .(.a,e,i,o,u,y ) hynh thua zah Zoccaw kya vaval a blyng ccantaruh (6) a cih.

Syntaw; Y te W hynh ah Zoccaw kya vaval lan nih a mang oh. Tuhzemah ''W'' hynh a maw mahkhae te tuh vaval lan a mang khyh oh. Tuhkiaccu ze ''W'' hynh vaval thua li te "a'' te kongde te difthong lan nih ah mang oh.

Tousenaw lanze;  Bw, Dw,Hw ci te pya lite Baw, Daw,Haw cite nih a pya oh.Te ''W'' hynh CcungCcaw min kya tuh Konsonant lan mah a mang vae oh. bua do,eg..,Win Aung,Win Naing ate , Paw Thawng lang,Pw Tung Mang ci haw te..tuasahlamah ''Y (y)'' hynh tuh vaval lan mah a mang oh zah difthong la mah  ah mang oh paw nih thua.

Konsonant (Consonants)

Zoccaw kya Konsonant a blyng (20) a cih. Amahkhae te Ccaw lan, Bya lan tang kho khyh. Konsonant kya vaval, tuhkhyhze diphthong pyde lan ze nih Ccaw , bya lan a tang kho.

Tousenaw lanze;

B+ e  =Be

T + e  = Te

H + oy =Hoy

H + oi  = Hoi ( vaval ccanin pyde paw hynh Difthong cih kuh)

D + u  =Du

D + ou =Dou

Eih sae tu vae zah malang ccyh kya Konsonant pyde paw te Difthong pyde paw kong kae Ccongccyh kya kae pya ki ngaw. Tuhkynte Aekaw bya te Zoccaw kya e a laenaw pyh bua pya ka ry.. Ccaw te pya paw thua zah na thae thya li oh paw patae yng kho, ccan ku paw zetuh kou thaethya la ka cae sah ry paw.. na khia ry oh paw yn zemah khia kho thua ci paw kae taw sya ry oh.

A riatu hae nae tungvaw kya kalungtua.

Thawng Lang ( USA )