Mino, Youth Association of Unity and Solidarity (Y A U S)

              Kawh takhyh ra takyh kyahe dolaze mino he myarya a hoobou paw nih thua. Mino nih haepaw te pica nih haepaw hema ah lokulinaw patae yngpaw nih thua. Cungcaw ciku paw he a kum alae haw te a haepaw te a rypaw, atuanaw hae he mah dyadya alae paw nih thua.

           Tawhhawte a khua kyahe mino buu ( Youth Community ) he rae kulaze khua kya atinre hala rya kou aelah kawh kho ngaw tawh kynte khua kya heh lungngin naw mino nih ae rae kho fua ngaw bema tipaw tuanaw te 2006 December saw kya  Kalay khua khe Phung Uk, Jerome te Tha  Cin Lia hae nih Khua Saw inn kya thongpa la ho ku naw kya te nih ae tho.



       Kha kum hawning maw khe a khua kya Minoo buu ( Youth ) cipaw yng za sia-inn mua hae caw ca pya te tho a thua. A khua kya ee itmua hae kha atu RCM  Little Way beh inn kya khe caw ca thua za atu Siaboi la ta vae paw Fr James Kai Khaw a maw nih mihraw ( English )  kha a ca pya hae. Kha kum maw khe itmua hae ry te boinung la picnic cia thua za khah lyakhe Mino buu kha dasah a thua.
Atawcaw la kha Ta Ling nih yng ta pya. Picnic te thua zete kha khuaboipaw inn buhnaw te social tua ( social game ) tua thua za khuaboipaw ry brother James Kai Kaw ry amah maw a yng bua hae. Te kha ee a buu min kha " MINO LUNGNGIN BUU " cikhawh za miraw te " YOUTH ASSOCIATION OF UNITY AND SOLIDARITY cite Brother James Kai Khaw nih min yng sah pya.

       Tunkynte khua te ra hala taeningnaw te ryalaw haela cipaw thuakiacuze ahoinaw te athahpaw kya  haela ci a thua. Tawhte thuakiacuze mihthi a thi ze saw thae la, inn kheh                  ( one family ) caaphaw pongkheh khoi late thenia khin kheh rela,  Lungngin poi he kum kheh vaekheh tua kula, thokenaw nin linawla cite lungngin poi vaeze thokenaw law ( dance ) laww la  cite meeting kya bya pae a thua.

       Buu cakheh athuavae kiacuze phua kha aho vae.  Lungngin poi tua kunawlapaw kha ma phua a ho vae tawthuakiacuze Mino te puisa thuaza vae kha lua athua. Tuihtavaw la aryate lapi sah thua tawhkynte tuihrawpaw kya ee U Roin Ma ale kha ma thae thua te lathaw paw kha ma sah athua. Khe kyate phua atepaw  kha  mihthi kya thenia renaw late Lungngin poi tua kunaw kya atha pawla ma thua.

      Atutawh Pathia thawcinaw thawngte atuhning tia po tyngza a tuu te malazema kou kou zua kute a kae thawngpaw Mino thua nawla oh a yng naw oh mia kawte taeningnaw rahvehte pabua kala vaeoh hing tite kae tawsya bia ryoh.