Kae nyn sabua ry awh paw tu...

       Ram takyh um hae paw ka sung sah hae  paw AEKAW mino hae, nae blyng te nge da te na  um ngaw awh re? A um naw awh mia kaw te a khua sung sah naw te a khua la a ngae naw awh paw hyh tuh pung  lo (common) ku a thua ngaw ci te ka zyng. A tu hyh e kya kae  pya la paw tuh Lae  Vaw la e hyh mino hae nyh nyng la a cca ci te kae tua paw nyh thua. A byapi (title) knowledgeble about the World ci te kae taw zah nya la ze mah po pya kho naw kae zua ku ngaw,  hyh e kya ee ka mei se paw te nah nyng tou awh paw pia chih a cca  paw thua sah tuanaw beh ae pya vae awh ci te kae ngia ku tou awh.

   (1) LAE VAW LA HYH RAM CCA KHAH ZEH MOU A UM?

 

                Ee bakhia naw hyh ccung ccaw mia kaw hala tuh a phi ccaenaw nyng kho heh a ru nii. Paw te ci    la thua ze

                    (a) ram a koi vae hae paw nyh bua a pong ku thui have (reunited)

                    (b) ram kheh nih ram nin, a thua khyh ze pa tae la a phia kawh hae.

                    (c) ram patae tuh countries( ram hae) ci te ko hae thusalamah min lae ram nih

                        ah uh la kia ccu hae

                    (d) independent ram ma thua ze mah United Nation kya a te khyh kia ccu hae

      A phi cah cin tuh ho la ze!!!

Lae vaw ram blyng te ria la ze, 196 ram a cih nii, internet, website kya  khe do la thua ze aphi lo kawh he khyh. 193 194, 196 etc....thusalamah United Nation nih nyng paw (recognize) tua paw ram tuh 193 nih a ci. Vatican city, Kosovo te Hong Kong hae heh nyh athua. East GERMANY te West  Germany ze mah ram nin la kum 45 phia kawh kyng hae te ram kheh la 1990 kya bua a pongkawh thui hae. Vae nin naw raw pi tho kyng te power umhua paw Soviet Russia ze mah ram pa tae la  1991 kya a phiakawh hae.

          2000 KUM  KYNG TE RAM THAW LA AE TA HAE  PAW

(1)2000 EAST TIMOR-  E ram hyh Indonesia kuih kaw kya State cakhet la te um  paw thuaza   20 May    2000 kya independent ram la a thua bua.

(2) 2006 MONTENEGRO - Hynh e ram hyh a phia ku maw hae tuh YUGOSLAVIA cite lae vaw nyh nyng a thua.

(3) 2006 SERBIA -YUGOSLAVIA ram khah te Montenegro a pou tuh SERBIA ze mah ram khet la a cca  maw te  ae thua bua.

(4) 2008 KOSOVO - Hynh e ram taraw hyh SERBIA ram kya ze a pa bua paw nyh a thua hyh e ram taraw kya um hae paw hyh Albanian miphun hae thua hae zah SERBIAN minphun hae te a ccaw ku khyh kia cu hae  ze a pou hae paw.

(5) 2011 SOUTH SUDAN - Hynh e ram hyh AFRICA ram thua zah SUDAN CIVIL WAR, raw tho naw hae phe saw kyng te 2011 July kya independent a mawe bua hae. South Sudan hae hyh ngesahma,  Christian hae thua zah, North Susan hyh Arab minphun muslim hae nyh thua thua hae.

to be countinues..

Van Ceu Lian ( U S A )